බදු ගෙවීම මත පදනම් වූ නව විශ්‍රාම වැටුප් ක්‍රමයක් හඳුන්වාදීමට රජය තීරණය කර ඇති බව වාර්තා වනවා.
සමාජ සවිබල ගැන්වීම් රාජ්‍ය අමාත්‍ය අනුප පැස්කුවල් සඳහන් කළේ සමාජ ආරක්ෂණ මණ්ඩලය හරහා මෙම විශ්‍රාම වැටුප් ක්‍රමය හඳුන්වාදීමට නියමිත බවයි.
ඒ, අනුව ව්‍යවසායකයින්, ව්‍යාපාරිකයින් සහ නිෂ්පාදකයින් වෙනුවෙන් මෙම නව විශ්‍රාම වැටුප් ක්‍රමය හඳුන්වාදීමට පියවර ගන්න බවයි ඔහු වැඩිදුරටත් සඳහන් කළේ.
නියමිත ලෙස බදු ගෙවීම් සිදුකරන්නේ නම් වෘත්තීය අවදානම මත පදනම්ව එම ක්‍රමවේදය හඳුන්වාදීමට පියවර ගන්නා බව ද ඔහු වැඩිදුරටත් සඳහන් කර සිටියා.