ඖෂධීය කංසා වගා කිරීමට නීතිමය අවසරය ගැනීම සඳහා ඉදිරිපත් කර ඇති කැබිනට් පත්‍රිකාවකට ඉදිරි සති දෙක ඇතුළත අනුමැතිය ලැබෙනු ඇති බව දේශීය වෛද්‍ය රාජ්‍ය අමාත්‍ය සිසිර ජයකොඩි පැවසීය.
අමාත්‍යවරයා මේ බව ප්‍රකාශ කළේ මාධ්‍ය වෙත අදහස් දක්වමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ දුමක් ලෙසින් කංසා භාවිත කිරීමට ආයුර්වේදයේ කිසිදු අවසරයක් නොමැති බව හා ඖෂධීය කංසා පමණක් වගාකිරීම නීත්‍යනුකූල කිරීමට තීරණය කර ඇති බවයි.
එමෙන්ම විනෝදාස්වාදය සඳහා හෝ වෙනත් නිෂ්පාදන සඳහා කංසා යොදා ගැනීමට අවසර නොමැති බව අමාත්‍යවරයා එහිදී අවධාරණය කළේය.