රජය විසින් පාර්ලිමේන්තුවට ඉදිරිපත් කර ඇති දේශීය ආදායම් සංශෝධන පනත් කෙටුම්පත ආණ්ඩුක්‍රම ව්‍යවස්ථාවට පටහැනි යැයි ප්‍රකාශ කරන ලෙස ඉල්ලා ශ්‍රේෂ්ඨාධිකරණයට මේ වනවිට පෙත්සම් 06ක් ඉදිරිපත් කර තිබෙනවා.
මෙම පනත් කෙටුම්පත ආණ්ඩුක්‍රම ව්‍යවස්ථාවට පටහැනි බවට නිගමනය කරන ලෙස ඉල්ලා එම විශේෂ පෙත්සම ශ්‍රේෂ්ඨාධිකරණයට ඉදිරිපත් කර ඇත.
ප්‍රමුඛ පෙළේ පෞද්ගලික සමාගමක සාමාන්‍ය අධිකාරිවරයෙකු වන උතුල සාරංග රණවීර විසින් එම පෙත්සම ගොනු කර ඇති අතර නීතිපතිවරයා පෙත්සමේ වගඋත්තරකරු ලෙස නම් කර තිබේ.
පනත් කෙටුම්පත සම්මත වුවහොත් රටේ වෘත්තිකයින්ට මෙන්ම සාමාන්‍ය ජනතාවට විශාල අසාධාරණයක් සිදුවන බව පෙන්වා දෙන පෙත්සම්කරු පවසන්නේ එම පනත් කෙටුම්පතේ අඩංගු 15, 16, 22, 29 , 36 සහ 39 යන වගන්ති ඉවත් කිරීමට හෝ ඒවා තුනෙන් දෙකේ බහුතරයකින් සම්මත කළ යුතු බවට නිගමනය කරන ලෙසටයි.