ලෝකයේ පවතින තත්ත්වය අනුව සංචාරය කළ යුතු පළමු රට ශ්‍රී ලංකාව බව ආසියානු මාධ්‍ය හා සංස්කෘතික සංගමය පවසයි.
එම සංගමය මේ බව අවධාරණය කළේ අද (03) පෙරවරුවේ අග්‍රාමාත්‍ය කාර්‍යාලයේදී අග්‍රාමාත්‍ය දිනේෂ් ගුණවර්ධන සමග පැවති සාකච්ඡාවකදීය.
එමෙන්ම ශ්‍රී ලංකාවේ සංචාරක ව්‍යාපාරය කඩිනමින් ප්‍රකෘතිමත් කිරීමට සිය මාධ්‍ය හරහා පූර්ණ සහයෝගය ලබාදෙන බවත් ආර්ථික අර්බුදයෙන් සහ අත්‍යවශ්‍ය ද්‍රව්‍ය හිඟයෙන් මිදීම සඳහා මූල්‍ය ප්‍රතිව්‍යූහගත කිරීමේ පහසුකම් කඩිනමින් ශ්‍රී ලංකාවට ලබාදෙන බවත් එම සංගමය එහිදී ප්‍රකාශ කළේය.