ගැබිනි මවුවරුන්ට පෝෂණ මල්ල ලබාදීමේ ව්‍යාපෘතිය මාස ගණනාවක සිට ඇණහිට ඇති බව ගැබිනි මව්වරුන් සහ කිරිදෙන මව්වරුන් පවසති.
මේ හේතුවෙන් භාණ්ඩ හා ආහාර ද්‍රව්‍ය මිල ගණන් ඉහළ යාමත් සමග තමන් දැඩි අපහසුතාවට පත්ව ඇති බව ඔවුන් සඳහන් කළේය.
මේ පිළිබඳව අදහස් දක්වමින් ළමා හා කාන්තා කටයුතු අමාත්‍යාංශයේ ලේකම් නීල් බණ්ඩාර හපුහින්න සඳහන් කළේ ප්‍රතිපාදන නොමැතිවීම හේතුවෙන් ගර්භනී හා කිරිදෙන මව්වරුන්ට පෝෂණ මල්ල ලබාදීමේ ව්‍යාපෘතිය මේ වනවිට ඇණහිට ඇති බවයි.
එය යළි ආරම්භ කිරීම සඳහා ප්‍රතිපාදන ඉල්ලා ඇති අතර එම ප්‍රතිපාදන මේ මාසය තුළ ලැබෙනු ඇති බවත් ඉන් අනතුරුව කඩිනමින් එය ආරම්භ කරන බවත් ලේකම්වරයා අවධාරණය කළේය.