ජපානයෙන් ප්‍රාඩෝ රථයක් ගෙන්වා රුපියල් ලක්ෂ 80 ක මුදලක් වංචා කිරීමේ චෝදනාව මත අත්අඩංගුවට ගත් මීගමුවේ පූජකයෙකු ලබන 22 වැනිදා දක්වා රක්ෂිත බන්ධනාගාරගත කර තිබෙනවා.
සැකකාර පූජ්‍ය පියතුමා ඊයේ (09) කොටුව මහේස්ත්‍රාත් තිළිණ ගමගේ වෙත ඉදිරිපත් කිරීමෙන් අනතුරුව මෙම පියවර ගෙන ඇත.
ගරු පියතුමා වෙනුවෙන් අධිකරණයේ පෙනී සිටි නීතීඥවරයා කියා සිටියේ තම සේවාලාභියා මෙම මුදල ශ්‍යාමලී සමරනායක නම් කාන්තාවකට ලබාදී ඇති බවත් එම කාන්තාව රුපියල් කෝටි ගණනක වංචාවක් සිදුකර ඇප මත මුදාහැර ඇති බවත්ය.
මෙම කාන්තාවට මුදල් ලබාදීමේ ලේඛනය ඉදිරිපත් කළ හැකිදැයි විනිසුරුවරයා සැකකාර පූජකවරයාගෙන් විමසා සිටියේය.
කෙසේ වෙතත්, ඔහුගේ පාර්ශ්වයෙන් එවැනි ලේඛනයක් ඉදිරිපත් කර නැත. මෙම තත්ත්වය තුළ පූජකවරයා අත්අඩංගුවේ තබා ඇත.