දිඹුලාගල – කන්දේගම ගම්මානයේ විදුලි සැර වද්දවා වන අලියෙකු ඝාතනය කර, ගෙවත්තක වළ දැමූ පුද්ගලයින් සොයා වනජීවී දෙපාර්තමේන්තුව විමර්ශනයක් ආරම්භ කර තිබේ.
මෙම වන අලියා පසුගිය 12 වැනිදා ඝාතනය කර ඇති අතර පසුව කොටස්වලට කපා එම සත්ත්වයාගේ සිරුර මෙලෙස වලදමා ඇති බවටයි වනජිවි නිලධාරින් සැක පළ කරයි.
මෙම වනඅලියා වළ දමා ඇත්තේ ගෙවත්තේ විදුලි වැටක්ද පවතින අතර මෙම ඝාතනය සිදු කරන්නට ඇත්තේ එම ගෙවත්තේ හිමිකරු ඇතුළු පිරිසක් බවයි සැක පළ කරන්නේ.
මෙම වන අලියාගේ සිරුර පිළිබඳ පශ්චාත් මරණ පරීක්ෂණය අද (15) පස්වරුවේ පැවැත්වීමට නියමිතය.