පොලීසිය විසින් මේ දිනවල සිදු කරන අත්තනෝමතික ක්‍රියාත්මකවීම් නිසා ජනතාවගේ මානව හිමිකම් උල්ලංඝණයන් නිරන්තරයෙන් සහ දිගින් දිගටම සිදුවන බව නිරීක්ෂණය වී ඇති බව ශ්‍රී ලංකා මානව හිමිකම් කොමිෂන් සභාව පවසයි.
මේ හේතුවෙන් කරුණු විමසීමට ලබන 21 වැනිදා පෙරවරු 10.00 ට මහජන ආරක්ෂක අමාත්‍යාංශයේ ලේකම්වරයාට සහ පොලිස්පතිවරයාට ශ්‍රී ලංකා මානව හිමිකම් කොමිෂන් සභාව හමුවට පැමිණෙන ලෙස දන්වා ඇත.
කොමිෂන් සභාව සඳහන් කළේ, එම තත්ත්වයන් ප්‍රජාතන්ත්‍රවාදී සමාජයක ජීවගුණයට හා නීතියේ ආධිතපත්‍යට බලවත් තර්ජනයක් බව මානව හිමිකම් කොමිෂන් සභාවේ මතය බවයි.
නීතිය ආරක්ෂා කිරීමට බැඳී ඇති නිලධාරීන් මෙලෙස හැසිරීම කිසිසේත්ම අනුමත කළ නොහැකි බව කොමිසම පෙන්වා දෙයි.