මෙරට විදුලි බිල ඉහළ දැමුවද එය ප්‍රමාණවත් නොවන බව Fitch Ratings ආයතනය නිවේදනයක් නිකුත් කරමින් පවසයි.
එම නිවේදනයේ වැඩිදුරටත් දැක්වෙන්නේ පසුගිය අගෝස්තු මාසයේදී විදුලි ගාස්තු සංශෝධනය කළද එය ශ්‍රී ලංකා විදුලිබල මණ්ඩලයේ මෙහෙයුම් වියදම් පියවා ගැනීමට ප්‍රමාණවත් නොවන බවයි.
වත්මන් අමුද්‍රව්‍ය මිල ගණන් මධ්‍යයේ නිෂ්පාදන පිරිවැය පියවා ගැනීමට සංශෝධනය කළ ගාස්තු ප්‍රමාණවත් නොවන බවත් විදුලි ගාස්තු වැඩි කිරීමෙන් විදුලිබල මණ්ඩලයට සිදුවන පාඩු අවම කර ගැනීමට හැකි බවත් එම නිවේදනයේ වැඩිදුරටත් දැක්වේ.
අමුද්‍රව්‍ය සඳහා වන පිරිවැය අඩු කිරීම කෙරෙහි අවධානය යොමු කළ යුතු බවත් පුනර්ජනනීය බලශක්ති සම්පත් වෙත මාරුවීම මූල්‍ය නම්‍යශීලී බවක් ඇති කළ හැකි බවත් එම ආයතනය වැඩිදුරටත් පවසයි.