2023 නව පාසල් වර්ෂය සඳහා අවශ්‍ය පෙළපොත් මුද්‍රණය සඳහා රුපියල් මිලියන 16,000ක් පමණ වැයවන බව අධ්‍යාපන ප්‍රකාශන දෙපාර්තමේන්තුව පවසයි.
ගිය වසරට සාපේක්ෂව මෙම වසරේ පෙළපොත් මුද්‍රණ වියදම සත් ගුණයකින් ඉහළ ගොස් තිබේ.
මෙම වසරේදී පෙළපොත් මුද්‍රණය සඳහා රුපියල් මිලියන 2338ක් වැය වී ඇති අතර එම වියදම 2023 වසරේදී සත් ගුණයකින් පමණ ඉහළ ගොස් ඇති බවයි එම දෙපාරතමේන්තුව පැවසුවේ.
2023 වර්ෂය සඳහා වන පෙළපොත්වලින් 45%ක් මුද්‍රණ සංස්ථාව මගින් මුද්‍රණය කිරීමට කැබිනට් අනුමැතිය හිමිවී ඇති අතර ඒ සඳහා අවශ්‍ය කඩදාසි ඉන්දීය ණය යෝජනා ක්‍රමය යටතේ ලබාගැනීමට අමාත්‍යංශ ප්‍රසම්පාදන අංශය මගින් කටයුතු කරමින් සිටින බවද මේ අතර වාර්තාවේ.
ඉතිරි 55% පෞද්ගලික අංශය මගින් මුද්‍රණය කිරීමට නියමිතය.