වව්නියාවේ මහාධිකරණය විසින් තම වැඩිමහල් සොහොයුරාගේ දියණිය බලහත්කාරයෙන් දූෂණය කර ඇයව ගැබිණියක් කළ බාප්පාට එරෙහිව බරපතල වැඩ සහිතව වසර 10ක සිර දඩුවමක් නියම කර තිබේ.
2014 වසරේ මැයි මස 20 වැනිදා මෙම දැරියව අදාළ සැකකරු විසින් දැරියගේ නිවසේදීම දූෂණයට ලක් කොට ඇති අතර ඇය ඒ වනවිට වයස 14ක් වූ පාසල් යන වයසේ දැරියකි.
දැරියගේ මව විදේශගත වී සිටින බවත් දැරියගේ බාප්පා විසින් ඇයව කිහිප වතාවක්ම ඇයගේ නිවසේදී දූෂණය කොට ඇති බවත් පොලිස් විමර්ශනවලදී අනාවරණය වී තිබේ.
මෙම සිදුවීමෙන් පසු අදාළ දැරිය ගැබිණියක් බවට පත්ව ඇති බව දැනගෙන ඇත. දැරිය විසින් පිරිමි දරුවකු බිහි කිරීමෙන් පසුව අධිකරණ නියෝග මත දැරියගේත් බාප්පාගේත් බිළිදාගේත් රුධිර සාම්පල ඩී.එන්.ඒ පරීක්ෂණවලට ලක්
කිරීමෙන් පසුව බිළිදාගේ පියා දැරියගේ බාප්පා බවට තහවුරු වීමෙන් පසුව අදාළ සිර දඩුවම නියම කොට තිබේ.
දූෂණයට ලක් වූ දැරියට මුදලින් රුපියල් ලක්ෂ හතරක වන්දියක් හා රජයේ ගාස්තු වශයෙන් රුපියල් 20000 ක මුදලක්ද ගෙවන ලෙස විනිසුරුවරයා ඊයේ (16) නියම කර තිබේ.
තවද මහාධිකරණ විනිසුරුවරයා වැඩිදුරටත් කියා සිටියේ මුදල් ගෙවීම පැහැර හරින්නේ නම් ඔහුට නියම කළ සිර දඩුවම තවත් වසර 4 කින් දීර්ඝ වන බවයි.