අද (19) පෙරවරුවේ ග්‍රෑන්ඩ්පාස්, නවගම්පුර ප්‍රදේශයේ සිදු වූ වෙඩි තැබීමකින් සංවිධානාත්මක අපරාධ කල්ලි සාමාජිකයෙකු තුවාල ලබා තිබේ.
එලෙස තුවාල ලබා ඇත්තේ මාරිමුත්තු ගනේෂන් හෙවත් ‘මන්න කන්නා’ යන අයෙකු බවයි පොලීසිය පැවසුවේ.
47 හැවිරිදි මන්න කන්නා නවගම්පුර නිවාස සංකීර්ණයේ අතුරු මාර්ගයකදී ඔහු වෙඩි ප්‍රහාරයට ලක්ව ඇත.
වැඩිදුර ප්‍රතිකාර සඳහා ඔහු ජාතික රෝහලට ඇතුළත් කර ඇති අතර සංවිධානාත්මක අපරාධ කල්ලි නායකයෙකු වන කන්ජිපානි ඉම්රාන්ගේ පියාට තියුණු ආයුධවලින් පහරදීමේ සිද්ධියට සම්බන්ධ සැකකරුවෙකු වන තුවාල ලැබූ පුද්ගලයා රක්ෂිත බන්ධනාගාරගතව සිට මුදාහැර සිටි පුද්ගලයෙකු බව පොලීසිය පවසයි.