පාර්ලිමේන්තුවට වග කියන අල්ලස් හා දූෂණ පිළිබඳ ස්වාධීන විමර්ශන කොමිෂන් සභාවක් පිහිටුවීම පිළිබඳව අවධානය යොමුව ඇති බව පාර්ලිමේන්තු සන්නිවේදන දෙපාර්තමේන්තුව පැවසීය.
මේ පිළිබඳව අවධානයට යොමු වී ඇත්තේ පසුගියදා රැස් වූ අධිකරණ, බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ කටයුතු පිළිබඳ අමාත්‍යාංශ උපදේශන කාරක සභාවේදීය.
ඒ අනුව අදාළ කොමිෂන් සභාවට නීති, වෝහාරික විගණන, ගිණුම්කරණ, රාජ්‍ය පරිපාලන ඇතුළු ක්ෂේත්‍රවල වසර 20කට වැඩි පළපුරුද්දක් සහිත පුද්ගලයින් පත් කෙරෙනු ඇති.