ලෝක කුසලාන පාපන්දු තරගාවලි පහකදී ගෝල වාර්තා කළ ලොව එකම පාපන්දු ක්‍රීඩකයා ලෙස සුපිරි පාපන්දු ක්‍රීඩක ක්‍රිස්ටියානෝ රොනාල්ඩෝ වාර්තාවක් තැබීමට සමත් වී තිබේ.
ඒ 2022 ලෝක කුසලාන පාපන්දු තරගාවලියේ පෘතුගාල කණ්ඩායම සහ ගානා රාජ්‍යය අතර පැවති තරගයේදීය.
2006, 2010, 2014, 2018 සහ 2022 යන වසර පහේදීම පෘතුගාල කණ්ඩායක නියෝජනය කළ ක්‍රිස්ටියානෝ රොනාල්ඩෝ ඒ සෑම තරගාවලියක දීම ගෝල වාර්තා කිරීමට සමත් වී තිබේ.
ඊයේ ඝානාව සමග පැවති තරගයේ හැටපස් වැනි විනාඩියේදී ඔහු වාර්තා කළ දඬුවම් පහරත් සමගින් ඔහු මෙම අතිවිශිෂ්ට වාර්තාව පිහිටුවන්නට සමත් වීම විශේෂත්වයකි.