තමා මහජන උපයෝගිතා කොමිසමේ පනතට ගරු කළද ඇමතිට ගරු නොකරන බවත් මේ අවස්ථාවේදී දේශපාලන අධිකාරිය රාජ්‍ය ප්‍රතිපත්තියට පිටින් නොයනු ඇති බවට තමන් විශ්වාස කරන බවත් මහජන උපයෝගිතා කොමිසමේ සභාපති ජනක රත්නායක පැවසීය.
හෙතෙම මේ බව ප්‍රකාශ කළේ ඊයේ (01) මාධ්‍ය හමුවකදී අදහස් දක්වමිනි.
එහිදී වැඩිදුරටත් අදහස් දක්වමින් සභාපතිවරයා කියා සිටියේ විදුලිබල අමාත්‍ය කංචන විජේසේකර සහ තමා අතර මත ගැටුමක් පමණක් ඇති බවයි.
එමෙන්ම විදුලි කප්පාදුව නොසලකා හරින ලෙස කැබිනට් පත්‍රිකාවේ සඳහන්ව තිබුණද විදුලි කප්පාදුවේ වාසිය අනිවාර්යෙන් ජනතාවට ලැබිය යුතු බවත් හෙතෙම එහිදී අවධාරණය කළේය.