ශ්‍රී ලංකා වරාය අධිකාරියේ දූෂණ හා අක්‍රමිකතා සෙවීමට ත්‍රිපුද්ගල කමිටුවක් පත් කර තිබේ.
මෙම කමිටුව විෂය භාර අමාත්‍ය නිමල් සිරිපාල ද සිල්වා විසින් පත්කර ඇත. එම්.ඩී.එස්.ඒ. පෙරේරා, ගාමිණි කුමරසිරි හා කේ.ජී.පී.වසන්ත ගමගේ යන අයගේ ප්‍රධානත්වයෙන් මෙම කමිටුව සමන්විතය.
වරාය අධිකාරියේ වෘත්තිය සමිති නියෝජිතයින්ට මෙන්ම අනෙකුත් පාර්ශවලට අධිකාරියේ සිදුව ඇතැයි කියන දූෂණ හා අක්‍රමිකතා පිළිබඳව මෙම කමිටුවට පැමිණිලි ඉදිරිපත් කළ හැකිය.
එම පැමිණිලි සියල්ල විමර්ශනය කර මාස 6ක් ඇතුළත කමිටු වාර්තාව විෂය භාර අමාත්‍යවරයා වෙත භාරදීමට නියමිතය.