රජයේ සහ රජයේ අනුමත පෞද්ගලික පාසල්වල තෙවන පාසල් වාරය අද (05) ආරම්භ වෙයි.
අදින් ආරම්භ වන තෙවන පාසල් වාරයේ පළමු අදියර අද (05) සිට ලබන 22 වැනිදා දක්වා පැවැත්වීමට නියමිතයි.
නත්තල් උත්සවය හේතුවෙන් එළඹෙන 23 වැනිදා සිට ජනවාරි 01 වැනිදා දක්වා යළි පාසල් සඳහා නිවාඩු ලබාදීමට අධ්‍යාපන අමාත්‍යාංශය තීරණය කර ඇත.
තෙවන පාසල් වාරයේ දෙවන අදියර ජනවාරි මස 02 වැණිදා සිට ජනවාරි 20 වැනිදා දක්වා ක්‍රියාත්මක වන අතර උසස් පෙළ විභාගය හේතුවෙන් ජනවාරි 21 වැනිදා සිට පෙබරවාරි මස 19 වැනිදා දක්වා යළි පාසල්වලට නිවාඩු ලබාදීමක් සිදු කෙරෙයි.
2022 වසරේ තෙවන පාසල් වාරයේ අවසන් අදියර ලබන පෙබරවාරි මස 20 වැනිදා සිට මාර්තු මස 24 වැනිදා දක්වා ක්‍රියාත්මක කිරීමටයි සැලසුම් කර ඇත්තේ.