යාපනය – පලාලි ජාත්‍යන්තර ගුවන්තොටුපොළේ ගුවන් සේවා කටයුතු ලබන 12 වැනිදා යළි අරම්භ කිරීමට නියමිත බව වරාය හා ගුවන් සේවා රාජ්‍ය අමාත්‍ය ප්‍රේමලාල් ජයසේකර පැවසීය.
අමාත්‍යවරයා මේ බව සඳහන් කළේ අද (05) පාර්ලිමේන්තු අයවැය කාරක සභා අවස්ථා විවාදයට එක්වෙමිනි.
ශ්‍රී ලංකාවේ තුන්වන ජාත්‍යන්තර ගුවන්තොටුපොළ වන පලාලි ජාත්‍යන්තර ගුවන්තොටුපොළ 2019 ඔක්තෝම්බර් 17 වැනිදා විවෘත කළ අතර පසුගිය කාලයේදී කොවිඩ් 19 වසංගතය හේතුවෙන් යාපනය – පලාලි ජාත්‍යන්තර ගුවන්තොටුපොළේ ගුවන් සේවා කටයුතු තාවකාලිකව අත්හිටවනු ලැබීය.