රටේ වතුර නොමැති පාසල් දහසකට වඩා සහ වැසිකිලි නොමැති පාසල් 1800කට වඩා තිබෙන බව සමගි ජන බලවේගයේ මන්ත්‍රී එරාන් වික්‍රමරත්න පැවසීය.
මුදල්, ආර්ථිකය ස්ථායිකරණ සහ ජාතික ප්‍රතිපත්ති අමාත්‍යාංශයේ වැය ශීර්ෂ පිළිබඳ කාරක සභා අවස්ථා විවාදයට සහභාගී වෙමින් හෙතෙම මේ බව සඳහන් කළේය.
එහිදී වැඩිදුරටත් අදහස් දක්වමින් මන්ත්‍රීවරයා සඳහන් කළේ මෙම අයවැය ජනතාව වෙනුවෙන් ඉදිරිපත් කළ එකක් නොවන බවයි.
එමෙන්ම ලොකු ලොකු හෝටල්වල පාටි දැමුවා කියා හෝ ඇමති පැටුවන් බිහි කළා කියා ආර්ථිකය ගොඩ ගත නොහැකි බවත් මෙම අයවැය ඉදිරිපත් කළේ ජනතාව වෙනුවෙන්ද? තමන්ගේ පැවැත්ම වෙනුවෙන්ද? යන ප්‍රශ්නය පැන නගින බවත් මන්ත්‍රීවරයා එහිදී අවධාරණය කළේය.