ශ්‍රී ලංකා පොදුජන පෙරමුණේ මන්ත්‍රීවරුන් මේවන විට රහස් සාකච්ඡා පවත්වමින් සිටින බව දේශපාලන ආරංචි මාර්ග පවසයි.
හිටපු ජනාධිපති ගෝඨාභය රාජපක්ෂ අගමැති ධූරයට පත් කිරීම එම සාකච්ඡාවල අරමුණ වී ඇති බවයි වාර්තා වන්නේ.
ඒ අනුව ශ්‍රී ලංකා පොදුජන පෙරමුණේ ජාතික ලැයිස්තු මන්ත්‍රීවරයෙකු මන්ත්‍රී ධූරයෙන් ඉවත් වී එම හිස්වූ මන්ත්‍රී අසුනට ගෝඨාභය හිටපු ජනාධිපතිවරයා පත් කිරීමට සැලසුම් කර තිබේ.
පසුව ශ්‍රී ලංකා පොදුජන පෙරමුණේ බහුතර මන්ත්‍රී යෝජනවකින් ගෝඨාභය රාජපක්ෂ අගමැති ධූරයට පත් කිරීමට නියමිත බවයි එම දේශපාලන ආරංච්මාර්ග අනාවරණය කරන්නේ.
කෙසේනමුත් ශ්‍රී ලංකා පොදුජන පෙරමුණේ මන්ත්‍රීවරු පිරිසක් ඊට විරුද්ධත්වය ප්‍රකාශ කර තිබේ.