මෙරට ආර්ථිකය ඝාතනය කිරීමට වගකිව යුතු අජිත් නිවාඩ් කබ්රාල්ගේ පොතට නම් තැබිය යුත්තේ ‘ආර්ථික ඝාතකයන් මැද’ යනුවෙන් නොව ‘ඝාතකයාගේ ඝාතකයා’ යනුවෙන් බව ජාතික ජන බලවේගයේ මන්ත්‍රී විජිත හේරත් පැවසීය.
මන්ත්‍රීවරයා මේ බව ප්‍රකාශ කළේ අද (09) පාර්ලිමේන්තුවේදී අදහස් දක්වමිනි.
එහිදී වැඩිදුරටත් අදහස් දක්වමින් මන්ත්‍රීවරයා කියා සිටියේ අර්බුදය ඇතිවෙලා ජනතාව කබලෙන් ලිපට වැටුනාටත් පසු දැන් ආර්ථික ඝාතනය පිළිබඳ පොත් ලිවීම ලෝක විහිළුවක් බවයි.
එදා මේ තීන්දු තීරණ ගනිද්දී අජිත් නිවාඩ් කබ්රාල් පාර්ලිමේන්තුවේදී මොනතරම් මුසාවාද කිව්වා දැයි ඇසූ මන්ත්‍රීවරයා සඳහන් කළේ “ආර්ථිකයේ කිසිම ගැටලුවක් නැහැ.. බයවෙන්න එපා සල්ලි තියෙනවා..” යැයි පැවසූ බවයි.