ජනාධිපති රනිල් වික්‍රමසිංහ සහ ශ්‍රී ලංකා පොදුජන පෙරමුණේ ප්‍රාදේශීය සභා ප්‍රධානීන් අතර හමුවක් පවත්වා ඇති බව වාර්තා වෙයි.
ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් පැවසුවේ ජනාධිපති ලේකම් කාර්යාලයේදී මෙම හමුව සිදුවූ බවයි.
මෙම අවස්ථාවට අග්‍රාමාත්‍ය දිනේෂ් ගුණවර්ධන, ශ්‍රී ලංකා පොදුජන පෙරමුණේ ප්‍රධාන ලේකම් සාගර කාරියවසම් ඇතුළු පිරිසක් එක්ව සිට ඇති අතර ශ්‍රී ලංකා පොදුජන පෙරමුණේ මහ නගර සභාවට, නගර සභාවට සහ ප්‍රාදේශීය සභාවලට අයත් ප්‍රධානීන් 50 දෙනෙක්ද සහභාගී වී තිබේ.
මේ අතර ඉදිරි පළාත් පාලන මැතිවරණය සම්බන්ධයෙන්ද එහිදී වැඩි අවධානයක් යොමුව තිබෙනවා.