සමාජ ක්‍රියාකාරිකයෙකු වන ඕෂල හේරත් විසින් රාජ්‍ය ඇමතිනී ඩයනා ගමගේට එරෙහිව අල්ලස් කොමිසමට පැමිණිල්ලක් ඉදිරිපත් කර තිබේ.
ඩයනා ගමගේට ආගමන හා විගමන දෙපාර්තමේන්තුව විසින් රාජතාන්ත්‍රික විදේශ ගමන් බලපත්‍ර නිකුත් කිරීම පිළිබඳව විමර්ශනයක් සිදුකරන්නැයි ඉල්ලමින් ඔහු මෙම පැමිණිල්ල ගොනු කර ඇත.
ඩයනා ගමගේ බ්‍රිතාන්‍ය පුරවැසිභාවය හිමි තැනැත්තියක් බවත් එබැවින් ඇයට රාජතාන්ත්‍රික විදේශ ගමන් බලපත්‍ර නිකුත් කිරීම ආගමන හා විගමන පනතට පටහැනි ක්‍රියාවක් බව ඔහු සිය පැමිණිල්ලෙන් පෙන්වා දී තිබේ.