නියමිත පරිදි ගල් අඟුරු තොග නොලැබුණහොත් දෙසැම්බර් 31 වනදා වනවිට නොරොච්චෝලේ බලාගාරයේ කටයුතු සම්පූර්ණයෙන්නම අක්‍රීය වන බව විදුලි ඉංජිනේරුවන් පවසනවා.
අද (20) පැවති මාධ්‍ය හමුවකට එක්වෙමින් ඔවුන් මේ බව සඳහන් කර සිටියා.
එහිදී වැඩිදුරටත් අදහස් දක්වමින් ඔවුන් කියා සිටියේ නොරොච්චෝලේ බලාගාරයේ විදුලි උත්පාදන කටයුතු මුළුමනින්ම නැවතුණහොත් විදුලි කප්පාදු කාලසීමාව වැඩිවනු ඇති බවයි.
ඒ අනුව මේ වනවිට සිදුකරන පැය දෙකයි විනාඩි 20ක විදුලි කප්පාදු කාලසීමාව පැය 10ක් දක්වා ඉහළ යා හැකි බවයි ඔවුන් පෙන්වා දෙන්නේ.