පළාත් පාලන මැතිවරණය කුමන ආකාරයකට පැවැත්වුවද එයට මුහුණදීමට පොදුජන පෙරමුණ සූදානම් බව නාගරික සංවර්ධන හා නිවාස අමාත්‍ය ප්‍රසන්න රණතුංග පැවසීය.
අමාත්‍යවරයා මේ බව ප්‍රකාශ කළේ අද (21) පැවති ගම්පහ ප්‍රාදේශීය සම්බන්ධීකරණ කමිටු රැස්වීමෙන් පසුව මාධ්‍යවේදීන් නැඟු ප්‍රශ්නවලට පිළිතුරු දෙමිනි.
එහිදී වැඩිදුරටත් අදහස් දැක්වූ අමාත්‍යවරයා කියා සිටියේ මැතිවරණයට මුහුණදීම සඳහා පොදුජන පෙරමුණ මූලික කටයුතු මේ වනවිටත් අවසන් කර ඇති බවත් අපේක්ෂකයින් තෝරාගැනීම සඳහා අයඳුම්පත්‍ර කැඳවීමේ කටයුතු මේ වනවිට ආරම්භ කර ඇති බවත්ය.