එළඹෙන උත්සව සමය වෙනුවෙන් විශේෂ දුම්රිය කිහිපයක් ධාවනයට එක් කිරීමට දුම්රිය දෙපාර්තමේන්තුව සැලසුම් කර තිබෙනවා.
ඒ අනුව හෙට (23) සිට විශේෂ දුම්රිය 8ක් ධාවනයට එක්වන බවයි දුම්රිය නියෝජ්‍ය සාමාන්‍යාධිකාරීවරයා සඳහන් කළේ.
කොළඹ කොටුවේ සිට බදුල්ල දක්වා ධාවනය වන දුම්රිය 3ක් සහ බදුල්ලේ සිට කොළඹ දක්වා දුම්රිය 3ක් ධාවනයට එක්කර තිබෙනවා. මීට අමතරව කන්කසන්තුරය සහ කොළඹ අතර ද දුම්රිය දෙකක් ධාවනයට එක්කර ඇති බවයි දුම්රිය නියෝජ්‍ය සාමාන්‍යාධිකාරීවරයා කියා සිටියේ.