එළැඹෙන නත්තල් උත්සවය නිමිත්තෙන් දේවස්ථානවලට විශේෂ ආරක්ෂාවක් යොදවන බව පොලිසිය පවසයි.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව පැවසුවේ පල්ලිවලට ඇතුළු වන නාඳුනන පුද්ගලයින් හඳුනාගැනීම සඳහා විශේෂ වැඩපිළිවෙළක් සකස් කර ඇති බවයි.
උත්සව සමය වෙනුවෙන් දිවයින පුරා විශේෂ ආරක්ෂාවක් සහ විවිධ වැඩසටහන් ක්‍රියාත්මක කර ඇති බවයි පොලිස් මාධ්‍ය ප්‍රකාශකවරයා වැඩිදුරටත් සඳහන් කළේ.
නත්තල් මංගල්‍යය වෙනුවෙන් දිවයිනේ බොහෝ ප්‍රදේශවල දැනටමත් විවිධ උත්සව සංවිධානය කර ඇත.