යූරියා පොහොර මෙට්‍රික් ටොන් 28,000 ක් රැගත් තවත් නෞකාවක් ඊයේ (22) අලුයම කොළඹ වරායට ළඟා විය.
කෘෂිකර්ම අමාත්‍යාංශය සඳහන් කළේ ලෝක බැංකු ණය මුදලක් යටතේ මිලදී ගන්නා ලද මෙම පොහොර තොගය මැලේසියාවේ සිට දිවයිනට ආනයනය කර ඇති බවයි.
මෙවර මහ කන්නය සඳහා ගොවීන්ට අවශ්‍ය කෙරෙන යූරියා පොහොර මිලදී ගැනීම සඳහා ලෝක බැංකුව විසින් ඇමරිකානු ඩොලර් මිලියන 110ක මුදලක් ශ්‍රී ලංකාවට ලබා දුන්නේය.
මෙම ප්‍රදානය යටතේ මෙට්‍රික් ටොන් එක්ලක්ෂ විසි පන්දහසක යූරියා පොහොර තොගයක් දිවයිනට ආනයනය කෙරේ.