දළ ඇතුන් ඝාතනය කර ලබාගන්නා ලද ගජමුතු සන්තකයේ තබාගෙන සිටි පුද්ගලයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබේ.
විශේෂ කාර්ය බලකාය කලවංචිකුඩි කඳවුරේ නිලධාරීන්ට ලද තොරතුරකට අනුව ඊයේ (22) මහඔය පොලිස් වසමේ මහඔය නගරයේ ප්‍රදේශීය ලේකම් කාර්යාලය ඉදිරිපිට දී වැටලීමක් සිදුකර ඇත.
එහිදී මෙරට සීඝ්‍රයෙන් වඳවී යන ජාතික සම්පතක් වන දළ ඇතුන් මෙලෙස ඝාතනය කර ගජමුතු 02 ක් සන්තකයේ තබාගෙන සිටි කැකිරිහේන, මහඔය ප්‍රදේශයේ පදිංචි වයස අවුරුදු 40 ක් වන පුද්ගලයෙකු උපාය දූතයකු යොදවා මහත් පරිශ්‍රමයක් දරා අත්අඩංගුවට ගෙන වැඩිදුර විමර්ශන කටයුතු සඳහා මහඔය පොලිස් ස්ථානය වෙත භාර දී ඇත.
