විදුලිබල මණ්ඩලය මේ වනවිට ලබන පාඩුව පියවා ගන්නා තෙක් පමණක් විදුලි බිල ඉහළ දැමීම සිදුකරන බව බලශක්ති අමාත්‍ය කංචන විජේසේකර පවසනවා.
අද (27) පැවති මාධ්‍ය හමුවකට එක්වෙමින් අමාත්‍යවරයා මේ බව සඳහන් කළා.
ගල්අඟුරු ආනයන සම්බන්ධයෙන් මතුව ඇති ගැටළුව සම්බන්ධව අමාත්‍යවරයා මෙම විශේෂ මාධ්‍ය හමුවක් කැඳවා තිබුණා.
මේ අතර නොරොච්චෝලේ බලාගාරය සඳහා ගල් අඟුරු නැව් තුනක් ජනවාරි 05, 09 සහ 16 යන දිනවල මෙරටට පැමිණීම අපේක්ෂා කරන බවයි අමාත්‍යවරයා මෙම මාධ්‍ය හමුවේදී සඳහන් කර සිටියේ.