නව නාවික හමුදාපති වයිස් අද්මිරල් ප්‍රියන්ත පෙරේරා හා ගුවන් හමුදාධිපති එයාර් මාෂල් සුදර්ශන පතිරණ අතර නිල හමුවක් ඊයේ (28) ගුවන් හමුදා මුලස්ථානයේදී පවත්වා තිබේ.
නව නාවික හමුදාධිපතිවරයා එම ධූරයට පත්වීමෙන් අනතුරුව ශ්‍රී ලංකා ගුවන් හමුදා මූලස්ථානයේ නිල සංචාරයක නිරත වූ පළමු අවස්ථාව මෙයයි.
එහිදී ගුවන් හමුදා කොළඹ කඳවුරු අණදෙන නිළධාරි එයාර් කොමාන්ඩෝ සුරේෂ් ප්‍රනාන්දු නිලධාරි තුමන් විසින් නව නාවික හමුදාධිපතිවරයා පිළිගත් අතර ගුවන් හමුදා වර්ණ පක්ෂාංගය විසින් නව නාවික හමුදාධිපතිවරයා වෙත ගෞරව සම්මාන මුරයක්ද පිරිනමන ලදි.
මෙම හමුවේදී ගුවන් හමුදාධිපතිවරයා විසින් නාවික හමුදාපතිවරයාට සුභපැතුම් එක් කළ අතර ඒකාබද්ධ සමුද්‍රිය නිරීක්ෂණ මෙහෙයුම්, ගුවන් හා නාවික ඒකාබද්ධ පුහුණු අභ්‍යාස සිදුකිරීම පිළිබඳව එහිදී සාකච්ඡා කර ඇත.