2023 වසරේදී ලංකා විදුලිබල මණ්ඩලය සඳහා නව බඳවා ගැනීම් සිදුනොකරන බව විදුලිබල හා බලශක්ති අමාත්‍ය කංචන විජේසේකර පවසයි.
ට්ව්ටර් ගිණුමේ සටහනක් තබමින් අමාත්‍යවරයා පවසන්නේ 2023 වසරේදී ලංවිම සේවකයන් 1,100 දෙදෙනෙකු විශ්‍රාම යාමට නියමිත බවයි.
එමෙන්ම ලංකා විදුලිබල මණ්ඩලයේ වැටුප් සහ දීමනා සඳහා සැප්තැම්බර්, ඔක්තෝබර් සහ නොවැම්බර් මාසවල රුපියල් බිලියන 3.5ත්, 3.7ත් අතර මුදලක් මාසිකව වැයකර ඇති බවත් අමාත්‍යවරයා අවධාරණය කරයි.