ඉන්දීය කඩුලු රකින ක්‍රීඩක රිෂාබ් පාන්ට් අද (30) උදෑසන රිය අනතුරකට ලක් වී තිබේ.
සිද්ධියෙන් තුවාල ලැබූ ඔහු රෝහල්ගත කර ඇති බවයි වාර්තා වන්නේ.
ඔහු නවදිල්ලි බලායන අතරතුර රූර්කී නම් ප්‍රදේශය ආසන්නයේදී එම අනතුර සිදු ව ඇති බවයි ඉන්දීය මාධ්‍ය වාර්තා කරන්නේ. මෙම අනතුරින් රිෂාබ් ගමන් කරමින් සිටි මෝටර් රථය ගිනි ගෙන ඇති අතර බරපතළ තුවාල ලබා ඇති රිෂාබ් ප්ලාස්ටික් සැත්කමටද භාජනය කර ඇති බවයි වාර්තා වන්නේ.