මහනුවර ප්‍රබල දේශපාලනඥයකුගේ සමීප තම ආධාරකරුවකු විසින් පවත්වාගෙන ගිය ගණිකා මධ්‍යස්ථාන දෙකක් වැටලීමට මහනුවර පොලීසියේ දූෂණ මර්දන අංශය සමත්ව තිබේ.
මෙම වැටලීමෙන් කාන්තාවන් සිව් දෙනෙකු සහ එම මඩම්වල කළමනාකරුවන් දෙදෙනෙක් අත්අඩංගුවට ගෙන ඇති අතර එලෙස අත්අඩංගුවට ගත් කාන්තාවන් තඹුත්තේගම, මාතලේ හා කටුගස්තොට ප්‍රදේශවල පදිංචි අවුරුදු 35- 38 වයස්වල පසුවන්නියන් බවයි පොලිසිය පවසන්නේ.
ගණිකා මධ්‍යස්ථාන හිමිකරු මහනුවර ප්‍රබල දේශපාලනඥනයාගේ බලය අයුතු ලෙස භාවිත කරමින් මහනුවර පොලිස් බල ප්‍රදේශයේ සහ ඉන් පිටත ස්ථාන කිහිපයක මෙම ගණිකා මධ්‍යස්ථාන පවත්වාගෙන ගොස් තිබෙන බවයි අනාවරණය වී ඇත්තේ.
මහනුවර දංගොල්ල සහ ගැටඹේ අමරවංශ මාවතේ පවත්වාගෙන ගිය ගණිකා මධ්‍යස්ථාන සම්බාහන ස්ථාන මුවාවෙන් කලක පටන් පවත්වා ගෙන ගොස් තිබෙන බව පොලීසිය පවසයි.