― political ―

මං රට භාරගත්තේ ආර්ථිකය අලුතින් ගොඩනැගීමටයි

තමා රට භාරගත්තේ රටේ ආර්ථිකය අලුතින් ගොඩනැගීමට බවත් එමගින් රටේ ගොවි ජනතාවගේ ජීවිත ද නව පරිවර්තනයකට ලක්වන බවත් ජනාධිපති රනිල් වික්‍රමසිංහ පවසනවා. ජනාධිපතිවරයා මේ බව...
HomeWorldමරණ 08කින් කෙළවර වූ අරුම පුදුම දික්කසාද නඩුව

මරණ 08කින් කෙළවර වූ අරුම පුදුම දික්කසාද නඩුව

තම බිරිඳ දික්කසාද නඩුවක් ගොනු කිරීම හේතුවෙන් ඇයගේ මුළු පවුලම ඝාතනය කළ පුද්ගලයකු පිළිබඳ පුවතක් ඇමෙරිකා එක්සත් ජනපදයෙන් වාර්තා වනවා.

42 හැවිරිදි මයිකල් හේට් නම් මෙම සැකකරු බිරිඳට, බිරිඳගේ මවට සහ ඔහුගේ දරුවන් පස් දෙනාට වෙඩි තබා ඝාතනය කිරීමෙන් අනතුරව ඔහුද සියදිවි හානි කර ගෙන ඇති බවයි මාධ්‍යවල දැක්වෙන්නේ.

දරුවන් පස් දෙනාගෙන් තුන් දෙනෙකු ගැහැණු ළමුන් බවත් දෙදෙනකු පිරිමි ළමුන් බවත් ඔවුන් වයස අවුරුදු 4 ත් 17 ත් අතර වයස් සීමාවේ පසුවූ අය බවත් පොලිසිය සඳහන් කර තිබෙනවා.

පසුගිය දෙසැම්බර් 21 වැනිදා සැකකරුගේ බිරිඳ ඔහුට විරුද්ධව දික්කසාද නඩුවක් ගොනු කර ඇති අතර මෙම ඝාතනවලට හේතුව වී ඇත්තේද එය බව පෙනෙන්නට තිබෙන බවයි යුටා පොලිසිය පෙන්වා දී ඇත්තේ. මියගිය පිරිස නගරයේ ප්‍රසිද්ධ අය බවද සඳහන්.

මයිකල් හයිට් නම් සැකකරු විසින් ඔහුගේ බිරිඳ, ඔහුගේ නැන්දම්මා සහ දරුවන් පස් දෙනා ඝාතනය කර ඇති බවට ප්‍රදේශවාසීන් ද විශ්වාස කරන අතර, මියගිය සෑම කෙනෙකුගේම සිරුරුවල වෙඩි සලකුණු ඇති බවයි ආරක්ෂක අංශ නිලධාරීන් ප්‍රකාශ කර ඇත්තේ.

40 හැවිරිදි Tausha Haight දෙසැම්බර් 21 දින තම සැමියාගෙන් දික්කසාද වීමට ගොනු කළ බව අධිකරණ වාර්තා පෙන්වා දෙනවා. ඇගේ නීතිඥවරයා බ්‍රහස්පතින්දා පැවසුවේ දෙසැම්බර් 27 වන දින Haight හට දික්කසාද පත්‍රිකා ලබා දුන් බවයි. ඝාතනයට ලක්වූවන්ගේ සිරුරු නිවස තුළ තිබී සොයාගෙන තිබෙනවා.

මෙම ළමුන් අතර වයස අවුරුදු 4 සිට 17 දක්වා වයස්වල පසුවන අතර ගැහැණු ළමයින් තිදෙනෙකු සහ පිරිමි ළමුන් දෙදෙනෙකු ද සිටින බවයි බලධාරීන් පවසන්නේ.