සජිත් ප්‍රේමදාසගේ දේශපාලනය යල්පැන ගිය එකක් බවත් මේ නිසා ඔහු සමඟ දේශපාලනය නොකිරීමට තමන් තීරණය කළ බවත් සමගි ජන බලවේගයේ පාර්ලිමේන්තු මන්ත්‍රී පාඨලී චම්පික රණවක පවසයි.
මන්ත්‍රීවරයා මේ බව සඳහන් කළේ ඊයේ (09) පැවති මාධ්‍ය හමුවකට එක්වෙමිනි.
එහිදී වැඩිදුරටත් අදහස් දැක්වූ මන්ත්‍රීවරයා කියා සිටියේ පියා දේශපාලනය කළ පමණින් පුතුන්ට දේශපාලනය කළ නොහැකි බව හා හමුදාවේ සිටි පමණින් දේශපාලනය කළ නොහැකි බවයි.
එමෙන්ම මෙරට පවතින සෙසු දේශපාලන පක්ෂ සමඟ සැසඳීමේදී ජනතා විමුක්ති පෙරමුණ පවුල් දේශපාලනයෙන් තොරව ප්‍රතිපත්ති ගරුකව කටයුතු කරන බව පැවසූ මන්ත්‍රීවරයා එහිදී අවධාරණය කළේ වර්තමානයේ රට මුහුණ දෙන ගැටලුට විසඳුමක් ලබාදීමට ඔවුන්ට නොහැකි බවයි.