විදුලි බිල වැඩි කිරීම පිළිගත නොහැකි බව ශ්‍රී ලංකා මහජන උපයෝගිතා කොමිෂන් සභාව යළි අවධාරණය කර තිබේ.
ශ්‍රී ලංකා විදුලිබල මණ්ඩලය පසුගිය වසර කිහිපය තුළ කිසිදු විශාල අර්බුදයකට මුහුණ දී නොමැති බව ද එම කොමිසම ප්‍රකාශ කළේය.
විදුලි පාරිභෝගිකයින් ලක්ෂ 69කගේ අත්සනින් යුත් මහජන පෙත්සමක් ඊයේ සිය කාර්යාලයේදී පිළිගත් කොමිසමේ සභාපති ජනක රත්නායක කියා සිටියේ අවම වශයෙන් රුපියල් බිලියන 35ක් විදුලිබල මණ්ඩලයෙන් වක්‍රව ඉතිරි වන බවයි.
මේ තත්ත්වය තුළ රුපියල් බිලියන 35ක හිඟයක් ඇතැයි පැවසීමට ප්‍රධානතම හේතුව වන්නේ පරිපාලනය නිවැරදිව කළමනාකරණය කර ගැනීමට නොහැකිවීම බවද ඔහු පැවසීය.
ගල් අඟුරු මෙට්‍රික් ටොන් එකකට ඩොලර් 90ක මිල වෙනසක් ඇත.
මෙම ගණනය කිරීමේ දෝෂයක් ඇති බවටද ඔහු චෝදනා කළේය.
එහි ප්‍රතිඵලයක් ලෙස මහජන උපයෝගිතා කොමිෂන් සභාවේ සභාපති ජනක රත්නායක කියා සිටියේ වැරදි අගයන් මත පදනම්ව විදුලි බිල ඉහළ දැමීම ප්‍රතික්ෂේප කිරීමට තම කොමිසමට පූර්ණ බලය ඇති බවයි.