පෞද්ගලික ස්ථානවල පවත්වාගෙන යන රජයේ සියලු කාර්යාල, රජය සතු ස්ථානවලට ගෙන යන ලෙස රාජ්‍ය පරිපාලන අමාත්‍යාංශය දැනුම් දී තිබේ.
රාජ්‍ය වියදම් අවම කිරීම සඳහා මෙම තීරණය ගත් බවයි රාජ්‍ය පරිපාලන අමාත්‍යාංශයේ ලේකම් නීල් හපුහින්න පැවසුවේ.
කුලී බදු ලෙස අධික මුදල් ගෙවමින් රජයේ කාර්යාල පෞද්ගලික ස්ථානවල පවත්වාගෙන යාමෙන් රජයට විශාල වියදමක් දැරීමට සිදුව තිබේ.
ලේකම්වරයා යැවූ ලිපියේ වැඩිදුරටත් දක්වා ඇත්තේ සියලු රාජ්‍ය ආයතනවල ජලය, විදුලිය අරපිරිමැස්මෙන් භාවිත කරන ලෙසත් සෑම ආයතනයකම විදුලිපංකා, වායුසමන යන්ත්‍ර භාවිතය අවම කරන ලෙසත්ය.