රජයේ රෝහල්වල දන්ත වෛද්‍ය උපකරණ සහ ඖෂධවල දැඩි හිඟයක් පවතින බව රජයේ දන්ත වෛද්‍යවරුන්ගේ සංගමය පවසයි.
එම සංගමයේ ලේකම් වෛද්‍ය විශේෂඥ මංජුල හේරත් පැවසුවේ දත් පිරවීම, දත් සුද්ද කිරීම වැනි ප්‍රතිකාර සඳහා අවශ්‍ය ඖෂධවල දැඩි හිඟයක් පවතින බවයි.
මේ හේතුවෙන් ප්‍රතිකාර සඳහා පැමිණෙන රෝගීන්ට බොහෝ කාලයක් පොරොත්තු ලේඛනයේ රැඳී සිටීමට සිදුව ඇති බවයි ඔහු සඳහන් කළේ. මේ අතර රජයේ රෝහලට ප්‍රතිකාර ලබා ගැනීමට පැමිණෙන රෝගීන් ඖෂධ හිඟය හේතුවෙන් පීඩාවට පත්ව සිටියි.
කෙසේ වෙතත් සෞඛ්‍ය අමාත්‍ය කෙහෙළිය රඹුක්වැල්ල පවසා ඇත්තේ අත්‍යාවශ්‍ය ඖෂධ ආනයනය කිරීමට දැනටමත් කටයුතු යොදා ඇති බවයි.