නීතිවිරෝධී ලෙස ප්‍රංශයට ඇතුළුවීමට උත්සාහ කළ ශ්‍රී ලාංකිකයින් 48 දෙනෙක් යළි ශ්‍රී ලංකාවට හරවා එවා තිබේ.
නීතිවිරෝධී ලෙස මුහුදු මාර්ගයෙන් රියුනියන් දූපතට සංක්‍රමණය වීමට උත්සාහ කළ ශ්‍රී ලාංකිකයන් පිරිසක් අත්අඩංගුවට ගත් බව වාර්තා වේ.
සැකකරුවන් 2022 දෙසැම්බර් 02 වැනිදා මීගමුවේ බහුදින ධීවර යාත්‍රාවකින් ප්‍රංශය බලා පිටත්ව ගොස් ඇත. අත්අඩංගුවට ගත් පිරිස අතර පිරිමි 43 දෙනෙකු, කාන්තාවන් 02 දෙනෙකු සහ ළමුන් 01 දෙනෙකු වනවා.
2022 දෙසැම්බර් 24 වැනිදා ප්‍රංශයේ රියුනියන් දූපතට නීතිවිරෝධී ලෙස ඇතුළු වීමට උත්සාහ කිරීමේදී ඔවුන් අත්අඩංගුවට ගෙන තිබේ. මොවුන් යාපනය, කිලිනොච්චිය, මුලතිව්, මන්නාරම, මඩකලපුව, සිලාපම් සහ නීකොළඹ යන ප්‍රදේශවල පදිංචි වයස අවුරුදු 13 ත් 53 ත් අතර වයස්වල පසුවන්නන් බවට හඳුනාගෙන ඇත.
මේ අතර, එම පිරිස නීතිමය කටයුතු සඳහා අපරාධ පරීක්ෂණ දෙපාර්තමේන්තුව වෙත භාරදීමට නියමිතයි.