යාපනයේදී රුපියල් ලක්ෂ 10ක අල්ලසක් ගැනීමට උත්සාහ කළ පොලිස් නිලධාරියෙකු අල්ලස් හෝ දූෂණ විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබේ.
ඊයේ (17) සවස යාපනය ඉරණමඩු ප්‍රදේශයේ කංකානි හන්දියේදීයි අදාළ පොලිස් කොස්තාපල්වරයා අත්අඩංගුවට ගෙන ඇත්තේ.
නීතිවිරෝධී ඉඩම් අත්පත් කර ගැනීමේ සිද්ධියකට සහාය වීම සඳහා සැකකරු පැමිණිලිකරුගෙන් රුපියල් ලක්ෂ 10 ක මුදලක් ඉල්ලා ඇති අතර මෙම පොලිස් නිලධාරියා අදාළ මුදල් රැගෙන යමින් සිටියදී අත්අඩංගුවට ගෙන ඇත.