දින 03ක් ඇතුළත බිත්තර සඳහා මිල සූත්‍රයක් ලබා දෙන්නැයි කෝප් කමිටුව විසින් පාරිභෝගික කටයුතු පිළිබඳ අධිකාරියට නියෝග කර තිබේ.
එහිදී අනාවරණය වුණේ බිත්තර ආනයනයට ඉදිරිපත් වූ සමාගම් රුපියල් 32යි ශත 05කට බිත්තර ආනයනය කිරීමට කැමැත්ත පළ කර තිබූ බවයි.
එහෙත් කුරුළු උණ හේතුවෙන් බිත්තර ආනයනයට ඉඩ ලබා දිය නොහැකි බව එහිදී සත්ත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ ජනරාල්වරිය ප්‍රකාශ කිරීමත් සමඟ කෝප් කමිටු රැස්වීම තුළ උණුසුම්කාරී තත්ත්වයක්ද හට ගත්තේය.