ජනාධිපති රනිල් වික්‍රමසිංහ විසින් පිහිටුවා තිබූ වාර්තාවක් ඊයේ (19) දිවුරුම් දුන් අමාත්‍ය ජීවන් තොණ්ඩමන් විසින් බිඳ දමා තිබේ.
ජීවන් තොණ්ඩමන් ඊයේ ජනාධිපතිවරයා ඉදිරියේ ජල සම්පාදන සහ වතු යටිතල පහසුකම් කැබිනට් අමාත්‍යවරයා දිවුරුම් දුන්නේය. ඔහු කැබිනට් අමාත්‍ය ධුරයේ දිවුරුම් දෙන විට ඔහුගේ වයස 28කි.
ඒ අනුව ඔහු ශ්‍රී ලංකාවේ කැබිනට් අමාත්‍යවරයකු ලෙස පත් වූ ලාබාලතම දේශපාලනඥයා බවට පත්වෙමින් ඉතිහාස පොත් අලුත් කළේය. මීට පෙර එම වාර්තාවට හිමිකම් කියා ඇත්තේ ජනාධිපති රනිල් වික්‍රමසිංහයි.
එතෙක් ශ්‍රී ලංකාවේ ලාබාලතම කැබිනට් අමාත්‍යවරයා ලෙස ඉතිහාසගත වී සිටියේ 1977 දී ජේ.ආර්. ජයවර්ධන රජයේ වයස අවුරුදු 29දී කැබිනට් ඇමතිවරයෙක් ලෙස දිවුරුම් දුන් රනිල් වික්‍රමසිංහය.