ඉන්දීය ණය යෝජනා ක්‍රමය යටතේ ශ්‍රී ලංකා ගමනාගමන මණ්ඩලය සතු බස්රථ ඇණිය ශක්තිමත් කිරීම සඳහා ආසන 32 බස් රථ 500ක් මෙරටට පිරිනැමීම සනිටුහන් කරමින්, මෙරට සංචාරයක නිරත වූ ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා විසින් ප්‍රවාහන, මහාමාර්ග සහ ජනමාධ්‍ය අමාත්‍ය ආචාර්ය බන්දුල ගුණවර්ධන මහතා වෙත වෙත සංකේතාත්මකව භාරදෙනු ලැබීය.
75 වන නිදහස් සමරුවට සමගාමීව මෙරට ග්‍රාමීය ප්‍රදේශවල පොදු ප්‍රවාහනය වඩාත් ශක්තිමත් කිරීම උදෙසා මෙම බස් රථ දිවයිනේ සියළුම ඩිපෝ හරහා ධාවනයේ යෙදවීම ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ සැලසුමයි.
මෙම අවස්ථාව සඳහා මෙරට ඉන්දීය මහ කොමසාරිස් ගෝපාල් බග්ලේ මහතා , ප්‍රවාහන රාජ්‍ය අමාත්‍ය ලසන්ත අලගියවන්න මහතා සහ ලංගම නියෝජනය කරමින් නිලධාරීන් පිරිසක්ද මෙම අවස්ථාවට එක්ව සිටියහ.