හිටපු අගමැති මහින්ද රාජපක්ෂ හට ලබා දී ඇති විජේරාම නිල නිවස අලුත්වැඩියා කිරීම සඳහා රුපියල් කෝටි 21ක වියදමක් දරා ඇති බව ජාතික ජන බලවේගයේ නායක අනුර කුමාර දිසානායක පැවසීය.
හෙතෙම මේ බව සඳහන් කළේ ඊයේ (23) පැවති මාධ්‍ය හමුවක් අමතමිනි.
එහිදී වැඩිදුරටත් අදහස් දක්වමින් මන්ත්‍රීවරයා කියා සිටියේ ජනාධිපති රනිල් වික්‍රමසිංහගේ ගෙට ගිනි තැබීමේ සිද්ධියේ හානිය රුපියල් මිලියන 204ක් බවත්ය.
එමෙන්ම නිවෙසයට වූ හානිය මිලියන 6ක් බවත් වාහනයට වූ හානිය මිලියන 198ක් බවත් පැවසූ මන්ත්‍රීවරයා අවධාරණය කළේ එය ආණ්ඩුවෙන් ලබා දුන් නිල රථයක් බවයි.
#mawrata