කොළඹ ගුවන් ගමන් තොරතුරු කලාපයට ඉහළින් පියාසර කරන ජාත්‍යන්තර ගුවන් ගමන් සඳහා අය කරන ගුවන් ගමන් සංතරණ ගාස්තු සංශෝධනය කිරීමට අමාත්‍ය මණ්ඩල අනුමැතිය හිමිව තිබෙනවා.
ඒ අනුව මෙම ගාස්තු පෙබරවාරි මස 01 වැනිදා සිට ක්‍රියාත්මක වන පරිදි සංශෝධනය කරන බවයි කැබිනට් ප්‍රකාශක අමාත්‍ය ආචාර්ය බන්දුල ගුණවර්ධන සඳහන් කළේ.
සීමා සහිත ගුවන්තොටුපොළ සහ ගුවන් සේවා පෞද්ගලික සමාගම විසින් මෙම ගාස්තු අයකිරීම සිදුකරන අතර 1985 වර්ෂයෙන් පසු මෙම ගාස්තු සංශෝධනය කර නැතැයි ද අමාත්‍යවරයා මෙහිදී සඳහන් කළා.