ශ්‍රී ලංකාවේ 75 වැනි නිදහස් දින සැමරුමට එරෙහිව කළු කොඩිය ඔසවන ලෙස මඩකලපුව දිස්ත්‍රික් පාර්ලිමේන්තු මන්ත්‍රී ශානක්‍යයන් රාසමානික්කම් මහජනතාවගෙන් ඉල්ලා සිටී.
සැලසුම් කර ඇති නිදහස් දින සැමරුම් උත්සවයට විරෝධය පළ කරමින් මඩකලපුවේදී විරෝධතාවක් සංවිධානය කර ඇති බවද ඔහු දැනුම් දුන්නේය. නිදහස් දින උත්සවයට අදාළව මඩකලපුවේදී කළු කොඩියක් ඔසවමින් තම අප්‍රසාදය පළ කරන බවද හෙතෙම පවසා තිබේ.
රට දූෂණය කළ දේශපාලන නායකයින්ට එරෙහිව තම නිවෙස් ඉදිරිපිට කළු කොඩි ඔසවන ලෙසද ඔහු මහජනතාවගෙන් ඉල්ලා සිටී. දෙමළ ජනතාව මුහුණ දෙන ගැටලුවලට එළඹෙන නිදහස් දිනයට පෙර විසඳුම් ලබාදෙන බව ජනාධිපතිවරයා ප්‍රකාශ කළද මෙතෙක් එය ඉටු වී නොමැති බවද හෙතෙම පෙන්වා දී තිබේ.