එක්සත් ජාතික පක්ෂය හැමදාම වැඩ කළේ රටේත් ජනතාවගේත් අභිවෘද්ධිය උදෙසා බවත් ලංකාවේ බංකොලොත් ස්ටිකරය තව ටික කලකින් ගැලවී යනු ඇති බවත් කම්කරු හා විදේශ රැකියා අමාත්‍ය මනූෂ නානායක්කාර පැවසීය.
අමාත්‍යවරයා මේ බව ප්‍රකාශ කළේ කරණ්දෙනිය සහ බලපිටිය ආසනවල එක්සත් ජාතික පක්ෂ බල මණ්ඩල රැස්වීම් අමතමිනි.
එහිදී වැඩිදුරටත් අදහස් දක්වමින් අමාත්‍යවරයා කියා සිටියේ ප්‍රශ්න ටිකක් තවමත් ඉතිරිවී තිබෙන අතර ඒ සියල්ලම තව නොබෝ දිනකින් විසඳෙනු ඇති බවයි.
එක්සත් ජාතික පක්ෂය හැමදාම වැඩ කළේ රටේත් ජනතාවගේත් අභිවෘද්ධිය වෙනුවෙන් බවත් එක්සත් ජාතික පක්ෂය රට පාලනය කරන සෑම අවස්ථාවකදීම රට ඉදිරියට ගිය අතර වෙනත් දේශපාලන කණ්ඩායම් විසින් ජාතිවාදය, ආගම්වාදය වපුරා එක්සත් ජාතික පක්ෂ ආණ්ඩු පරාජය කළත් එජාපය සෑම විටම සිටගත්තේ ජනතාව වෙනුවෙන් බවත් අමාත්‍යවරයා අවධාරණය කළේය.