විදේශ ගමන් බලපත්‍ර නිකුත් කිරීම සඳහා ප්‍රාදේශීය මධ්‍යස්ථාන 50ක් ස්ථාපිත කිරීමට රජය තීරණය කර ඇති බව මහජන ආරක්ෂක අමාත්‍ය ටිරාන් අලස් පැවසීය.
කොළඹ ප්‍රධාන කාර්යාලයට අමතරව වව්නියාව, කුරුණෑගල, මාතර සහ මහනුවර යන ප්‍රාදේශීය කාර්යාල 4ක විදේශ ගමන් බලපත්‍ර නිකුත් කිරීමේ කටයුතු සිදුකරන බවත්, විදේශ ගමන් බලපත්‍ර නිකුත් කිරීමේ කටයුතු කාර්යක්ෂම කිරීම සඳහා ප්‍රාදේශීය ලේකම් කාර්යාලවල නව ස්ථාන 50ක් ස්ථාපිත කරන බවත් ඇමැතිවරයා කීය.