හිටපු බන්ධනාගාර රාජ්ය අමාත්ය ලොහාන් රත්වත්තේ අනුරාධපුර සහ වැලිකඩ බන්ධනාගාරවල සිදු කළ ආන්දෝලනාත්මක සංචාර පිළිබඳ විමර්ශන වාර්තාව නිකුත් කරන ලෙස තොරතුරු දැනගැනීමේ අයිතිය පිළිබඳ කොමිෂන් සභාව ඊයේ (02) බන්ධනාගාර අමාත්යාංශයට නියෝග කළේය.
2021 සැප්තැම්බර් මාසයේදී ලොහාන් රත්වත්තේ සිය මිතුරන් පිරිසක් සමඟ රාත්රී කාලයේදී බීමතින් වැලිකඩ සහ අනුරාධපුර බන්ධනාගාරවලට කඩා වැදීමේ සිද්ධීන් සම්බන්ධයෙන් වාර්තා ඉදිරිපත් කරන්නැයි සමාජය හා සාමයික ක්ර්ර්න්ද්රය (CSR) තොරතුරු දැනගැනීමේ අයිතිය පිළිබඳ කොමිෂන් සභාවෙන් කළ අභියාචනයක් සලකා බලමිනුයි මෙම නියෝගය නිකුත් කර ඇත්තේ.
විමර්ශනයට අදාළ කොමිෂන් සභා වාර්තාවේ තොරතුරු ජනතාවට හෙළි නොකළ යුතු බව කැබිනට් මණ්ඩලය විසින් නියෝග කර ඇති බවට පවසමින් එම ඉල්ලීම ප්රතික්ෂේප විය.
කෙසේ වෙතත්, අදාල විමර්ශන වාර්තාව රහසිගත ලේඛනයක් නොවන බැවින් එය පෙබරවාරි 23 ට පෙර තොරතුරු අයදුම්කරු වෙත නිකුත් කරන ලෙස තොරතුරු දැනගැනීමේ අයිතිය පිළිබඳ කොමිෂන් සභාව නිර්දේශ කොට තිබේ.